I Zimbaboe sy i Namibia no iray vondrona amin’i Madagasikara, amin’ny fifanintsanana hahazoana ny tapakila amin’ny « Afrobasket U18 », hatao ny 22 jolay hatramin’ny 30 jolay izao, any Zimbaboe. Izay ekipa voalohany ao anatin’ny vondrona no hiatrika ny « Afrobasket » hatao any Côte d’Ivoire, ny 5 hatramin’ny 16 aogositra izao.
Hotanterahina ny 25 jolay hatramin’ny 1 aogositra izao ny fiadiana ny amboaran’i Madagasikara, taranja Volley ball, eo amin’ny sokajy latsaky ny 13 taona sy ny latsaky ny 17 taona, lahy sy vavy. Ao amin’ny Kianja mitafo Ambatomena, Fianarantsoa, no hanatontosana ity fifaninanana ity, amin’ity taona 2026 ity.
Any Toliara no hanatanterahana ny andiany faha-30 amin’ny “Tournoi de Capricorne”, taranja Judo. Fifaninanana efa ao anatin’ny fandaharam-potoan’ny Federasionina malagasin’ny Judo sy efa fanao isan-taona. Lalao handraisan’ny judokas malagasy manerana ny Nosy anjara.
French