Mikarakara dinika fakan-kevitra ho fanomanana ny fifidianana ny fiadidiana ny Fanavaozana ny Repoblika. Eny amin’ny Lapam-panjakana Iavoloha, manomboka anio 1 septambra hatramin’ny 8 septambra izao izany. Herinandro hakàna ny hevitr’ireo antoko politika, vondron’antoko, fikambanana sy fiarahamonim-pirenena mpanara-maso fifidianana ary ireo hery velona isan-tsokajiny, izy ity. Hitondrana fanavaozana sy fanatsarana ny fikarakarana fifidianana eto Madagasikara izany.
Masontsivana takina hahafahana miatrika izany ny fananana taratasy avy amin’ny minisiteran’ny Atitany sy ny fitsinjaram-pahefana milaza ny maha ara-dalàna azy ireo, ho an’ny antoko politika sy vondron’antoka politika. Toraka izany ihany koa, mila manana taratasy avy amin’ny Vaomieram-pirenena mahaleo tena misahana ny fifidianana (Ceni) ireo fikambanana sy fiarahamonim-pirenena. Tsiahivina fa efa tamin’ny 30 aogositra lasa teo no azo ny fanasana ho an’ ireo handray anjara amin’ity dinika fakan-kevitra ity. Tanjona ny hihainoana ny hevitry ny daholobe mba ho fifidianana eken’ny rehetra no hitranga eto Madagasikara,
amin’ny taona 2027.
Mi.Raz
French