Nifarana ny alahady lasa teo, teny amin’ny Kianja Club COT Ilafy, ny dingana voalohany amin’ny World Tennis Tour Junior J30, ho an’ny sokajy U18. Voahosotra ho tompondaka teo amin’ny olon-tokana, lehilahy, i Tovonirina. Resiny teo amin’ny famaranana, tamin’ny seta 2 no ho 1 (6/3 ; 1/6 ; 6/3), ilay teratany Danois, i Nicholai Peterson. Teo amin’ny olon-droa, lasan’ilay Poloney, i Olivier Krupa sy ilay Danoà, i Nicholai Peterson, ny amboara. Lavon’ izy mirahalahy teo amin’ny famaranana, (6/2; 4/6 ; 10/8), i Tianqi Shao avy any Chine sy i Brandon Hass. Ho an’ny sokajy vehivavy, tompondaka Ratre Ando Tiantsoa, Malagasy mizaka ny zom-pirenena frantsay. Seta 2 no ho 0 (6/1; 6/4) no nandreseny ilay Indianina, i Armani Nalavade. Ho an’olon-droa, nibata ny fandresena i Ando Tiantsoa sy i Mirindra Fanomezantsoa. Lavon’izy mirahavavy, tamin’ny seta 2 no ho 0 (6/1 ; 6/4), ilay frantsay, i Tahira Bagate sy i Armani Nalavade. Hitohy anio ny dingana faharoa amin’ity “World Tennis Tour Junior” J30 ity.
Tompondaka
French