Basy AKM roa mahery vaika niaraka amin’ny bala ampolony, tra-tehaky ny mpitandro filaminana teny amin’ny roa lahy tao Ankasakasa, distrikan’i Besalampy, ny 20 septambra teo. Avy any Mahajanga nandeha botry, naneho fihetsika mampiahiahy ireo olona roa ireo ka narahi-maso akaiky. Nivantana avy hatrany tao amin’ny olon-tsotra iray izay mpamboly, monina ao amin’ny fokontany Ankasakasa, ireo olona roa ireo. Nosavaina ny entana teny amin’izy roa lahy. Basy mahery vaika roa sarona teny aminy. Tsy vitan’izay, bala miisa valo no nofonosan’izy ireo niaraka tamin’ireo basy ireo. Tsy mazava ny antony nihazonany ireto fitaovam-piadiana ireto. Nitonon-tena ho zandary izay natsahatra tamin’ny asany sivy volana ny iray ka mitady kariera. Manana karapanondro roa kosa ilay lehilahy iray namany. Nentina nihazo ny biraon’ny zandary atao fanadihadiana izy roa lahy. Atolotra ny fampanoavana aorian’izay.
Tsiferana R.
French