Voasambotry ny zandary ireo roa lahy mpamaky fiara tetsy Ambohimahitsy, kaominina Ambohimangakely, ny 22 septambra teo. Nijanona hividy sakafo ny tompon’ny fiara. Nanararaotra nanao ny asa ratsiny anefa izy roa lahy ireto. Lasibatra ny vola 530 000 Ar, finday niampy solomaso. Nametraka fitoriana teny anivon’ny zana-tobim-paritra Soamanandrariny ny tompon’entana very. Nanao ny fikarohana ny mpitandro filaminana ka sarona ireo nahavanon-doza. Nosavaina tao amin’ny trano fonenan’ny iray. Nahatrarana kitapo sy fitavaom-pianarana vaovao anisan’ny entana nalainy tao anatin’ny fiara. Nentina hatao famotorana izy roa lahy. Notanana am-ponja miandry ny fitsaran azy. Marihina, efa naharay fitarainana niseholany tao anatin’ny roa herinandro ny zandary miasa ao an-toerana vokatry ny fisian’ny tontakely manao ity asa ratsy ity.
Tsiferana R.
French