Niara-hitafaty tao an-tranony ny mpivady, tao Antsahamivondraka Bekatseko, kaominina Andapabe Bemarivo, distrikan’i Sambava, afakomaly. Tsy nifankahazo izy mivady ireto ka niafara tamin’ny fifamonoana izany. Mipetraka tany an-tsaha somary misitaka ny tanàna no nisy ny tranon’izy mivady. Nahitan’ny nanatri-maso dian’antsy ny haton’ilay lehilahy izay nitsirara teo afovoan-trano niaraka amin’ny
vadiny. Niparitaka nanerana ny trano koa ny lavanila milanja 20 kg. Ahin’ny fianakavian’ilay vehivavy ho hasarotampiaro no niteraka izao fifamonoana teo amin’ireto mpivady ireto izao. Nidina ifotony nijery ny zava-nisy ny mpitandro filaminana. Nalain’ny fianakaviany ny vatana mangatsiakan’izy mivady.
Tsiferana R.
French