Tanora malagasy, mpiangaly « Slam poèsie », anisan’ny manana ny maha izy azy Andrianahy Zanadaory Joel Bastino, fantatry ny maro eo amin’ny tontolon’ny « Slam pèsie » hoe Konahy Junior. Laharana fahatelo izy nandritra ny fifaninanana nasionaly farany teo, taorian’i Santa sy Orad. Hisolo tena an’i Madagasikara mandritra ny “World Poetry Slam Championship” (WPSC), atao any Togo, ny volana novambra 2024 kosa ny tenany. Nisy ny fifaninana nifantenana izay hiatrika izany ka tafiditra tao anatin’ireo folo afaka miatrika ny WPSC i Konahy Junior.
Mpiangaly “Slam poèsie”, avy any Antsiranana i Konahy Junior. Ao anatin’ ny fikamanana Slam’ suaré no misy azy. Mbola ao anatin’ny fanomanana ny fiatrehana ny WPSC izy amin’izao. “Vao sambany no mandray anjara amin’ny fifaninanana aho. Feno hafaliana kanefa mitaintaina ihany amin’ny fanomanana satria tsy maintsy vonona tanteraka. Mikirakira lahatsoratra telo eo aho farafahakeliny mialoha ny fifaninana amin’ny volana novambra. Somary manavanana ahy kokoa ny teny frantsay fa mety amiko avokoa izay teny ampiasaina mandritra ny fifaninanana”, hoy i Konahy Junior.
Lin
French