Voasambotry ny zandary avy ao amin’ny tobim-paritra Fenoarivo teny Soavimbahoaka Ampitatafika, omaly, ny andian-jiolahy mpamaky trano. Nahazo fitarainana mialoha avy amin’ny mponina manodidina ny zandary momba ny fisiana andian-jiolahy mifoka zava-mahadomelina. Nidina teny an-toerana nitobian’ireto jiolahy ireto ny zandary ka voamarina tokoa ny fisian’izany. Nahatrarana fonosan-drongony teny amin’ireo jiolahy nandritra ny fisavana nataon’ny zandary. Tao anatin’ny famotorana no nahafantarana fa mpamaky trano sy mpanendaka amin’iny faritra iny ireto nifanehatra tamin’ny zandary ireto. Nanamafy izany rahateo ny fijoroana vavolombelona nataon’ireo olona sasany. Hita tao an-tranon’izy ireo ny fitaovam-piadiana samihafa, toy ny Basy poleta kilalao, antsy, nunchaku, akanjona miaramila, tandramokotra, maritoa, flesy.
J.C
French