Mamoaka ny tahan’ny fahafenoan’ny siniben-drano eto Antananarivo ny Foibe mitantana ny rano (COR), isaky ny amin’ny 6 ora maraina, amin’ny 12 ora atoandro ary amin’ny 6 ora hariva. Nahatratra 748 m3 ny hadirin’ny rano notsinjarain’ny fiarabe miisa 21, tamin’ny siniben-drano 51, omaly. Nisy tamin’ireo nofenoina indroa na intelo nandritra ny tontolo andro.
Eny amin’ny toby famatsian-drano Mandroseza no hakan’ny fiarabe, mameno ireo siniben-drano eny amin’ny toerana nametrahana azy tsirairay. Natao fitiliana isaky ny adiny iray ny rano fisotro madio nozaraina. Mandalo fanadiovana eny amin’ny toby Mandroseza ihany koa ny sinibe « citernes » entin’ny fiarabe.
Misy sary famantarana manokana avokoa ny fiarabe mitatitra ny rano, mba hisorohana ny fifangaroana amin’ny hafa, sady manome antoka ny mpanjifa rehetra.
Njaka A.
French