Wolfgang Amadeus Mozart, iray amin’ireo andrarezina amin’ny famoronana eo amin’ny tontolon’ny mozika klasika. Tao anatin’iny herinandro nivalona iny no nanatanterahin’ny Madagascar Orchestra seho «Nuit enchantée avec Mozart» ho famohazana indray ny sanganasany, tao amin’ny Le Grand café de la Gare (Salle de l’Horloge). Tao anatin’ny fizarana voalohany no niangalian-dry zareo ny « Adagio and fugue en Do min KV 5463 » sy ny « Divertimento en Fa maj K 138 ». Nandritra ity fampisehoana ity no nahitana sy nahatsapana fa tsy voahidy anaty faritra na firenena vitsy ny famoronana nataon’i Mozart fa miparitaka sy mivelatra maneran-tany. Notsiahivina sy nampahafantarin’ny Madagascar Orchestra, tamin’ny alalan’ny filalaovana ny sanganasany rahateo io maha andrarezina an’i Mozart io. Iray amin’ireny ny fahaiza-mifehy ny fiarahan’ny feo sy ny aingam-panahy eo am-pitendrena. Ny fizarana faharoa tamin’ity seho ho fampahafantarana an’i Mozart sy ny sanganasany ity no nameloman’ny Madagascar Orchestra ireo «musiques du monde» sy ny vakodrazana malagasy (musiques fokloriques malagasy). Marihina fa i Antsanirina Rakotoarimino no nitarika (Direction musicale) ny Madagascar Orchestra nandritra ny « Nuiy encantée avec Mozart ».
Tafiditra ao anatin’ny fandaharam-potoana karakarain’ ny Madagascar Mozarteum kosa ny seho ao amin’ny AFT Andavamamba, ny 10 novambra izao, amin’ny 4 ora tolakandro.
Nanangona :
HaRy Razafindrakoto
French