TARATRY ny KANTO

Ny tarika Solomiral indray no handravaka ny sehatry ny La Teinturerie Ampasanimalo, anio manomboka amin’ny 8 ora alina. Ireo hira nahafantarana sy nankafizana ny tarika hatramin’izay, sahala amin’ ny « Bako », « Sasa-miandry », « Mahatsiaro » no ho re mandritra izany. Maimaimpoana ary misokatra ho an’ny rehetra ny fampisehoana.
Hianoka fampisehoana iarahana amin’ny tarika Johary indray ny ao amin’ny Piment Café Behoririka, anio manomboka amin’ny 8 ora sy sasany alina. Handray anjara amin’ity fampisehoana ity avokoa izy telo mirahalahy mpikambana eo anivon’ny tarika. Ny tarika Johary ranoray sy ny nahafantarana azy hatramin’izay, araka izany, no ho hita mandritra io fotoana io.
Mitohy ny fampirantiana ny sanganasan’ireo mpikambana ao anatin’ny Photo Club CGM ao amin’ny CGM Analakely. Hetsika tanterahina nanomboka ny 9 novambra hatramin’ny 30 novambra izy ity ary tafiditra ao anatin’ny fanamarihana ny “Festival mois de la photo” andiany faha-15.