Handray ny andraikiny manomboka ny volana desambra i Mark Zaborowski, filoha vaovao hitantana ny orinasa ka mandimby ny filoha teo aloha, Gun Gomes, rehefa nitana io andraikitra io nandritra ny telo taona.
Nisehatra an-taona maro tamin’ny fitrandrahana ny harena an-kibon’ny tany ity filoha vaovao hitantanana ny orinasa Ambatovy ity. “Porofon’izany ny fahombiazan’ny fitantanana nataony tamin’ireo tetikasa goavana tao Afrika Atsimo sy Australie, indrindra ny fanarenana ny orinasam-pitrandrahana aluminium Alcoa Australian Kwinana sy Pinkarra Alumina”, hoy ny fanazavana voaray. Matoky tanteraka ny fahaizan’i Mark Zaborowski hitarika an’Ambatovy sy hanatratra ireo vina sy tanjona apetraky ny tetikasa ny orinasa. Tafiditra ao anatin’ izay ny fampiroboroboana ny famokarana nikela sy kobalta. Marihina fa miantraika mivantana eo amin’ny fihodinana sy famokaran’Ambatoby ny zava-misy eo amin’ny tsena iraisam-pirenena momba ny vidin’ny nikela.
Henintsoa Hani
French