Hatramin’izao taona 2024 izao, mbola vitsy ireo boky mirakitra ny tantaram-pirenena ka Malagasy no nanoratra azy. Izay kely mba hita eny amin’ny fivarotam-boky indray, voasoratra amin’ny teny vahiny avokoa. Fa naninona raha nosoratana tamin’ny teny malagasy? « Tsara ny hisian’ny boky tahaka itony mba hahalalan’ny taranaka ny tantaran’ny firenena », hoy ireo mpanoratra ireo. Izany hoe, efa fantatry ny mpanoratra fa tsy hahay mamaky teny malagasy (na tsy hampiasa ny teny malagasy) intsony ny taranaka malagasy miaina amin’izao vanim-potoana izao sy ny atsy aoriana atsy? Tranga manamarina fa « mpaminany tapany ny mpanoratra ». Raha tarafina amin’ny zava-misy ankehitriny, tsy hampiasa ny teny malagasy intsony ny Malagasy afaka taona vitsy. Ho levona tsikelikely ny teny malagasy?
Na lazaina fa manana ny hasina lehibe noho ny fananany ny teny tahaka (teny manaraka ny lamina sy ny toetra voajanahary) aza ny teny malagasy, tsy misy lanjany amin’ny Malagasy sasany izany. Ny azy, ny vahiny no omeny hasina sy lanja lehibe, satria, ireny no heveriny fa « mendrika » izany !
HaRy Razafindrakoto
French