Tohizana ny fampiasana ireo alika mpitsongo dia, hampiasaina ireo fitaovana moderina mampiasa faharanitan-tsaina artifisialy famantarana hosoka, hiara-hiasa akaiky amin’ireo sampana miasa eny amin’ny sisintany ny fadintseranana.
Ireo no fepetra apetraky ny fadintseranana malagasy eny amin’ny seranan-tsambo sy ny seranam-piaramanidina ary ny sisintany, amin’ izao ankatoky ny faran’ny taona izao. Fotoana izay ahitana fitomboan’ny fifanakalozana ara-barotra sy ny fivezivezena betsaka. Ireo rafitra ireo dia natao hanamafisana ny fanaraha-maso manerana ny faritry ny firenena, indrindra amin’zao vanim-potoan’ny fety izao. Araka izany, hentitra ny fanaraha-maso, koa manentana ireo mpandraharaha ara-toekarena rehetra ny fadintseranana hanaraka ny fitsipika mifehy sy manan-kery ary hilaza haingana raha misy fihetsika mampiahiahy amin’ny alàlan’ ny laharana maitso 360.
Trafika
Fotoana fanararaotan’ny mpanao trafika isan-karazany ny faran’ny taona tahaka izao. Porofon’izany ny volamena 13,875 kg tratra andro vitsy lasa teny Ivato. Noho izany, hamafisina ny fanaraha-maso amin’ny seranam-piaramanidina sy ny seranan-tsambo. Ampiasaina ihany koa ireo fitaovana vaovao toy ny saina vokarin’olombelona ka hiara-hiasa feno amin’ny « ny brigade cynophile » ny fadintseranana. Ho hentitra ihany koa ny fanaraha-maso amin’ireo « caméras de surveillance ». Hamafisina ny fifandrindrana sy ny fifampizarana vaovao eo amin’ny sampandraharaha rehetra.
Napetraka ireo fepetra ireo nandritra ny « réunion tactique » teny amin’ny fadintseranana rehetra manerana an’i Madagasikara, ny herinandro teo. Hetsika atao isan-taona amin’ny vanim-potoana toy izao, hanamafisana ny fifandrindrana.
Henintsoa Hani
French