Vita tamin’ity herinandro ity ny fihaonambe ara-tsiantifika momba ny fikojakojana ireo fitaovana ara-pitsaboana. Antoky ny fahombiazan’ny fitsaboana sy ny kalitaon’ny tolotra fahasalamana omena ny vahoaka ny fahaizana mikojakoja ireo fitaovana eny anivon’ny hopitaly. Fanoitra goavana ho an’ny fampandrosoana sy fanatsarana ny rafi-pahasalamana izany.
Nosokafana tamin’ny fomba ofisialy ny faran’ny herinandro teo ny kerimesy ao amin’ny Kianjan’ny Barea Mahamasina ho fanamarihana ny faha-66 taonan’ny fahaleovantena sy ny nijoroan’ny Foloalindahy Malagasy. Hitohy hatramin’ny 20 jona izao ny hetsika. Mandray anjara amin’izany ny Kaominina Antananarivo Renivohitra, ahafahan’ny vahoaka mahafantatra ireo asa vita, tetikasa fampandrosoana ho tombontsoan’ny mponin’Antananarivo.
Ho fikoloana ny endrik’Antananarivo, nohetezana ny hazo teny amin’ny axe Androndra – Ankadimbahoaka (Eureka). Tanjona ny fisorohana ny loza ateraky ny sampana mety hianjera, fanadiovana ireo manakona tariby mitondra herinaratra, fa indrindra ho fanatsarana ny endriky ny tanàna.
French