Mikaroka ny fomba rehetra hamerenana amin’ny laoniny haingana ny fifamoivoizana ny minisiteran’ny Asa vaventy (MTP), taorian’ny fandalovan’ny rivodoza Dikeledi sy ny orana nentiny. Ho an’ny lalam-pirenena, RNS5, mampitohy an’i Toamasina sy i Fenoarivo Atsinanana, faritra Analanjirofo, efa any an-toerana ny orinasa Sinohydro, manarina ny simba rehetra, toy ny manala ny fotaka vokatry ny fihotsahan’ny tany. Naato vonjimaika ny fiampitana ny renirano eo amin’ny baka. Miverina amin’ny laoniny ny fifamoivoizana rehefa mihena ny haavon’ny rano.
Mbola tapaka ny RN6 (Antananarivo-Antsiranana), satria safotry ny renirano ny fivilian-dalana eo Ifasy (PK 537) sy Mahavavy (PK 568). Taterina amin’ny sambokely vedety ny olona eo Mahavavy. Efa any an-toerana ny orinasa Colas hanao ny asa.
Ho an’ny RN5 any Sava, tapaka tanteraka ny fivilian-dalana eo Manambery (PK 173), ka nosokafana vonjimaika ny tetezana ho an’ny fiarakely latsaky ny 5 taonina. Miandry ny fandaminana ny fiara vaventy. Miandry ny fidinan’ny rano ny orinasa CRBC hanarina ny lalana.
Njaka A.
French