Voatsatoka antsy teo amin’ny lamosiny ny raim-pianakaviana iray tao amin’ny fokontany Anivorano2, kaominina ambanivohitr’i Sahalanona, distrikan’Ikongo, ny 13 janoary 2025. Tonga nampilaza tao amin’ny biraon’ny zandary, tamin’io fotoana io, ny sefo fokontany Anivorano2 fa nisy olona novonoin’olona tao amin’ny fokontany iadidiany. Nidina haingana tany an-toerana ny zandary niaraka tamin’ny dokotera taorian’izay. Araka ny fanambaran’ny rainy, avy nanao fiarahabana tratry ny taona 2025 niaraka tamin’
ny vinantolahiny izy ny alakamisy 09 janoary 2025. Nandeha nanatitra ny valilahiny izy no tsy niverina intsony ka izao hita faty izao. Nahitana diana antsy ny lamosiny nandritra ny fitsirihana nataon’ny dokotera. Vonoan’ olona no nihatra tamin’ity raim-pianakaviana ity raha ny fanazavan’ny zandary. Misokatra ny fanadihadiana ataon’ny zandary. Tsy mbola nisy olona ahina ho tompon’
antoka amin’izao raharaha izao raha ny filazan’ny fianakaviany.
Jean Claude
French