Sombim-baovao

Rehefa niala tao amin’ny klioban’ny Fosa Juniors Boeny i Carlos, fantatra ankehitriny fa nifindra lasy ao Seychelles. Nahita fifanarahana amin’ny ekipan’ny La Passe FC ity Malagasy lohalaharana ity. Efa mpilalaon’ny Jet Mada, Jet Kintana, CFFA Andoharanofotsy ary Fosa Jr i Carlos, fony izy teto Madagasikara. Anisan’ireo mpilalao nandrafitra ny Barea niatrika ny “Chan Algerie 2022”, ny tenany.
Araka ny vaovao nivoaka tao anaty pejin’ny Real Madrid FC, omaly, fantatra izao fa voafidy ho klioba mendrika indrindra ny taona 2024 lasa teo izy ireo. Ny Federasiona iraisam-pirenenan’ny tantara sy ny statistikan’ny baolina kitra IFFHS no nanendry azy ireo tamin’izany.
Nifindra ao amin’ny klioban’ny BSC Young Boys, Suisse, ny sabotsy lasa teo, i Rayan Raveloson, Malagasy mpilalao baolina kitra. Tsara marihina fa tao amin’ny ekipan’ny Aja Auxerre izy teo aloha. Efa natolotra tao anaty pejin’ny BSC Young Boys, ny fahatongavan’ity Malagasy ity.