Hiditra amin’ny andro fahefatra ny fiadiana ny tompondakan’Analamanga, taranja Volley ball, sokajy « 2è division », ny faran’ity herinandro ity. Lalao 8 no hitranga ny sabotsy sy alahady, ka eny amin’ny kianja Akany Sambatra Itaosy no hanaovana ny lalao 4, raha toa ka hatao eny amin’ny kianja Betongolo kosa ny lalao 4 ambiny. Anisan’ny lalao hitranga eny Betongolo, ny alahady ho avy izao, ny fifandonana eo amin’ny GNVB sy ny ASI 1, sokajy vehivavy, izay anisan’ny andrasan’ny maro. Hihaona ihany koa aorian’izay ny Squad sy ny ASI 2. Lalao hatao eny Betongolo. Ankoatra ireo, ny fihaonan’ny CVBA sy VBCD ary ny Jack sy ny Combi-Sport, sokajy lehilahy. Etsy amin’ny kianjan’Itaosy kosa, hifandona ny EVEYL sy ny Mamisoa ary ny ASI sy ny ASSM, eo amin’ny sokajy lehilahy, raha toa ny lalao eo amin’ny Combi-Sport sy ny ASSM ary ny Mamisoa sy CVB kosa ho an’ny sokajy vehivavy.
Tsiahivina fa tontosaina amin’io faran’io herinandro ihany koa ny tohin’ny fifaninanana, ho an’ny sokajy U14, U16, U18 ary ny U20 lahy sy vavy.
Mi.Raz
French