Maty voatifitry ny zandary ny roa tamin’ireo nanafika sy nandroba mpivarotra tao amin’ ny fokontany Mahatazantsoa, kaominina Andranofasika distrikan’Ambatoboeny, ny asabotsy teo. Tokony ho tamin’ ny 08 ora sy sasany alina teo, naharay antso ny zandary fa voatafika ny tsena iray ao an-toerana. Voaroba ny vola 1.750.000Ar, finday iray, firavaka ary entana maro samihafa. Avy eo, nanapoaka basy sy nitsoaka ireto jiolahy. Taorian’izay, raikitra ny fifanenjehana. Nitohy ny fifanjevona. Tratra teo Tsimaimbo, fokontany Tsilankanina, kaominina Anjiajia niaraka tamin’ireo entana halatra ny roa tamin’ireto mpandroba. Teny an-dalana nanararaotra nitsoaka izy roa lahy saingy nanao tifi-danitra ny zandary. Tsy nijanaona anefa ny jiolahy ka voatery nitifitra azy ny mpitandro filaminana.
Vokany, samy lavo izy roa lahy raha mbola karohina kosa ireo namany hafa.
Henintsoa Hani
French