Ao anatin’ny fanomanantena tanteraka ny Makis de Madagascar, sokajy lehilahy, eo amin’ny rugby lalaovina olona 7, amin’izao fotoana izao. Hanomana ny fifaninanana «Africa Men’s Sevens Cup». Fihaonana hotanterahina atsy amin’ny Nosy Maurice, ny 21 sy ny 22 jona ho avy izao.
Hotanterahina eto Antananarivo, manomboka ny 6 aogositra izao, ny fiadiana ny ho tompondakan’i Madagasikara, taranja tenisy. Hizara roa miavaka tsara izany ka ny 6 hatramin’ny 10 aogositra ny Junior sy ny Vétérans ary ny 11 ka hatramin’ny 16 aogositra ny sokajy rehetra.
Hifandona ao Allemagne, anio, i Portugal sy i Allemagne eo amin’ny manasa-dalana hiadiana ny “Ligue des Nations”, taranja baolina kitra. Rahampitso kosa no hifanandrina i Espagne sy i France. Fihaonana hatao any an-toerana ihany. Izay tafavoaka eo no hiatrika ny famaranana, ny alahady 8 jona ho avy izao.
Laharana faha-39 ny FC Nisi ary faha-51 ny Ajesaia nandritra ny Mondial Pupilles Plomelin notanterahina tany France, ny 29 mey ka hatramin’ny 1 jona lasa teo. Fihaonana iraisam-pirenena natokana ho an’ ireo katitakely latsaky ny 13 taona. Nahatratra 64 ny isan’ireo ekipa nandray anjara tamin’ity.
French