Napetraky ny fanjakana hanohanana ny fandraharahana ny fandaharanasa Fihariana. Nanomboka ny taona 2019, nahatratra 87 000 ny nahazo tohana taminy, manerana ny faritra 23, nahazo famatsiam-bola mitentina 199 miliara Ar. Disitrika 4 (Sambava, Antalaha, Andapa, Vohemar) any Sava, no nandehanan’ny ekipan’ny Fihariana ny 20-24 mey teo. Nohainoina ny filan’ny mpandraharaha, nampahafantarina ny tolotry ny Fihariana iarahany amin’ny banky BNI sy ny BOA ary ny mpiara-miombon’antoka samihafa. Nisy koa ny fihaonana tamin’ny tanora. Ankoatra izany, miisa 71 ny mpandraharaha nanolotra antontan-taratasy tany Ambositra, faritra Amoron’i Mania. Nomena fiofanana mahakasika ny toe-tsaina fandraharahana, ny fanabeazana ara-bola, indrindra ny fandrafetana drafitra ara-toekarena mahomby. Maherin’ny 200 ny nomena mari-piofanana momba ny e-Vohary tany Fandriana. Efa nisy ny fitetezam-paritra nataon’ny Fihariana tany Boeny, Atsinanana, Analamanga, Alaotra Mangoro, Vakinankaratra, Atsimo Atsinanana, Itasy, Bongolava, sns. Maherin’ny 4 000 ireo nahazo fiofanana.
Njaka A.
French