Nitohy omaly, tao amin’ny Kianja Central Tennis Club tao Windhoek Namibia, ny fifaninanana hiadiana ny Billie Jean King Cup, sokajy fahatelo ho an’ny faritra Afrika. Nivoaka ho mpandresy, tamin’ny isa 2 no ho 1, ny Akomba de Madagascar, nanoloana an’i Nigeria nandritra ny fiadian-toerana fahefatra ka hatramin’ny fahenina. Raha hiverenana ny fihaonana teo amin’ny lalao ho an’olon-tokana, lavon’i Tsantaniaina tamin’ny seta 2 no ho 0 (6/1 ; 6/4) i Khadijat eleojo Mohammed. Mbola nahazo fandresena toy izany koa Rasendra Miotisoa, nanoloana an’i Success Ogunjobi. Nisaraka tamin’ny seta 2 no ho 1 izy mirahavavy. Niady ny fihaonana teo amin’izy mirahavavy satria lasan’i Miotisoa ny seta voalohany 7/6. Nosahalain’i Ogunjobi izany avy eo 4/6. Lasan’i Miotisoa kosa ny seta fahatelo, 6/2. Teo amin’ny lalao ho an’olon-droa kosa, resy tamin’ny seta 2 no ho 0 i Elisoa sy i Ikoriantsoa raha nifanandrina tamin’i Barakat Oyinlomo sy i Adesuwa Osabuohien.
Tompondaka
French