Tontosa ny faran’ny herinandro teo, tany Arivonimamo, ny famaranana ny fiadiana ny tompondakan’i Madagasikara, taranja basikety, sokajy latsaky ny 20 taona lahy sy vavy. Voahosotra ho tompondaka teo amin’ny sokajy vehivavy ny NBE Vakinankaratra ary teo amin’ny sokajy lehilahy ny ekipan’ny EBF Matsiatra Ambony. Tsiahivina fa fifaninanana mamarana ny taona, mialoha ny hidirana amin’ny dingana farany ho an’ny sokajy N1A sy N1B io natao io. Izany hoe, vita daholo izany ny fifaninanana tamin’ny sokajy rehetra ho an’ny taom-pikatrohana 2025, raha ny taranja basikety no resahina. Raha hiverenana ny vokatra teo amin’ ny sokajy latsaky ny 20 taona, nandresy ny ekipan’ny Fandrefiala, tamin’ny isa 53 no ho 46, ny NBE Vakinankaratra. Isa 55 no ho 43 kosa no nandavoan’ny EBF Matsiatra Ambony ny ekipan’ny Mb2All, teo amin’ny sokajy vehivavy. Laharana fahatelo ny RBC Boeny, teo amin’ny sokajy lehilahy, ary ny JEA Vakinankaratra kosa no teo amin’ny sokajy vehivavy.
Mi.Raz
French