Tolotra manakaiky vahoaka, natao ho an’ny Malagasy rehetra. Mitohy ny fitantarana amin’ny teny malagasy, ao amin’ny rohim-pandaharana fahitalavitra avoakan’ny StarTimes, ireo fifaninanana baolina kitra iraisam-pirenena, toy ny fifaninanana espaniola Laliga. Manatanteraka izany ny mpitantara matihanina, i Daniel Randriamaro sy i Edouard Ratovoson, fantatry ny maro hoe Rayest. Efa nanomboka tamin’
ity volana janoary ity koa ny fitantarana amin’ny teny malagasy ny fifaninanana baolina kitra alemà, Bundesliga.
Hita ao amin’ny televiziona UPTV DTH 769 sy ny DTT111 fandaharana manokana (chaîne exclusive) StarTimes. Mandeha amin’ny fandaharana fanatanjahantena kosa ny lalao rehetra, toy ny ST Sport premium, ny ST Sport Life, ny ST World football, sns.
Manampy ireo, mandeha mivantana amin’ny rohim-pandaharana GasyStar DTH 788 sy ny DTT 108 ny fiadiana ny ho Tompondakan’i Madagasikara PFL Ligue 1. Lalao roa isan-kerinandro no mandeha mivantana ary lalao roa hafa tsy mivantana. Mpanaparitaka tokana (diffuseur exclusif) ny PFL ny StarTimes.
Tompondaka
French