Hamelabelatra ny « Antso avo ho an’ny Tetezamita iarahana manapaka, mirindra ary voasoritra mazava » ny eo anivon’ny fiarahamonimpirenena. Hotanterahina, anio, etsy amin’ny foiben’ny Rohy, Ambatonakanga, izany. Tsiahivina fa efa nanao fanambarana ireo fiarahamonimpirenena an-jatony herinandro vitsy lasa izay, niresaka ny momba izany.
Nitohy teny Ambatofahavalo ny hetsika fanohanana ireo kaominina eny amin’ny distrikan’Atsimondrano. Nanolotra « ordinateur”, “unité central”, “imprimante » ho an’ny kaominina Ambatofahavalo ny depiote Raharimanarivo Voahangy. Mbola nanolotra jiro hanazavana ny elakelan-trano koa ny tenany.
Manentana ireo Malagasy miasa sy monina any amin’ny tany arabo ny masoivohon’i Madagasikara any Ryad mba hanaraka ny toromarika any amin’ ireo firenena misy azy ireo avy. Anton’izany ny ady miseho any Moyen Orient, amin’izao fotoana izao. « Aoka hanamafy ny fifaneraserana sy ny fifampitana vaovao », hoy ny fanambarana.
Mangataka amin’ny Filoham-panjakana ireo zanaky ny faritra Boeny mba hanendrena an-dRaharimanana Mamy ho eo amin’ny toeran’ny praiminisitra. Nambaran’izy ireo fa mahafeno ny fepetra ho amin’izany io atolotr’izy ireo io. « Mahitsy sy mendrika ary mahavita izany andraikitra izany izy », hoy izy ireo.
French