“Tsy miady seza fa miasa ny antoko Malagasy miara-miainga”, hoy ny filoha nasionaly, Andrianainarivelo Hajo, ny herinandro teo. Nambarany fa tafiditra amin’ny fanohanana ny fitondram-panjakana ho fampandrosoana ny firenena izany. «Voalohany nitaky ny fanavaozana ny filoham-panjakana fa isika kosa no faharoa», hoy izy.
Tokony handray anjara amin’ny fanapahan-kevitra ny vehivavy, araka ny atrikasa nataon’ny vovonan’ny vehivavy mpitarika, ny herinandro teo. Nohitsin’ireo vehivavy ireo fa manana andraikitra lehibe amin’ny hoavin’ny firenena ny vehivavy. «Tsy tokony hailika amin’ny fampandraisana anjara azy ireo, eo amin’ny fanapahan-kevitra», hoy izy ireo.
Efa manomboka hita taratra ny fivoaran’ny fikambanana Mafana ho an’Antananarivo, araka ny nambaran’ny mpanolotsaina avon’ny Fiadidiana ny Repoblika, ny Kly Andriamiarintsoa Gervais. «Mihamafy ny firaisankina sy ny hetsika ataon’ireo zanak’i Managnano, Farogny ary Namorona monina eto Antananarivo», hoy izy.
Nisolo tena ny antoko MMM tamin’ny fiofanana nokarakarain’ny Eisa momba ny vehivavy, tanora sy ny haitarika politika, i Rotsiniaina Herimalala sy Ramboasolofo Zoariseheno. Nambaran’ny filohan’ny antoko, Andrianainarivelo Hajo, fa manome sehatra ny tanora sy ny vehivavy ho mpitarika sy ho mpitondra any aoriana ny antokon’izy ireo.
French