FANTINA sy FINTINA

Nanao fanambarana momba ny fisamborana ireo tanora naneho ny heviny, anisan’ny nandrodana ny jadona sy ny tsy fanarahan-dalàna ny Seces. Nametra­ka ny ahiahiny izy ireo. « Tsy hisy ny tena fampandrosoana ny firenena fa ny omaly tsy miova ihany. Ambara hatrany fa fanohintohinana ny filaminam-bahoaka sy ny fanjakana izao », hoy izy ireo.
Hentitra ny filoha lefitry ny Antenimieram­pirenena, Ralambozafimbololona Fetra. “Tokony hitondra fanazavana ireo tompon’andraikitra isan-tokony rehefa vita ny fanadihadiana momba ny raharaha fifofoana ny ain’ny filohan’ny Fanavaozana ny Repoblika sy ny fikasana hanongam-panjakana », hoy izy.
Namatrampatratra ny administratera sivily, Raholinarivo Paolo ny amin’ny tokony hifanajana. Nambarany fa avelao hiaina milamina ny Malagasy ary tsy tokony hotonintononina ny anarany. « Mbola tsy nanodina volam-panjakana, tsy nanondrana volamena sy « Bois de rose ». Tsy mbola niaraka tamin’ireo mafia… », hoy izy.
Nivoaka amin’ny fanginany ny filoha lefitra fahafito sady lehiben’ny mpanohitra eny amin’ny Anteni­mierampirenena, Milavonjy Philobert. Namba­rany fa midika ho fanonganam-panjakana amin’ny endriny vaovao indray raha hiroso amin’ny fandravana ny Antenimierampirenena, amin’izao fotoana izao.