Nomarihana omaly, 3 mey ny Andro fankalazana ny fahalalahan’ny asa fanaovan-gazety maneran-tany. Mpanao gazety 106 avy eto Madagasikara no nahazo mariboninahitra avy amin’ny minisiteran’ny Kolontsaina sy ny serasera, omaly, tetsy amin’ny Ivotoro, Nanisana. Grand croix de l’ordre national, commandeur de l’ordre national, grand officiers ary chevaliers de l’ordre national no laharam-boninahitra nomena azy ireo tamin’izany.
Ho an’ny vondrona Ultima Media, nahatratra sivy ireo nisitraka izany : Andriatefiarinesy Njaka, Jean Claude Rakotovao, Zoniaina Randriatsiresy, Rakotovololonarivo Tatiana, Rabehaja Holy Danielle, Tiana Rakotomavo, Mamiherison Andrianaivoharijaona, Sabotsy José (Sajo) ary Rasamoelina Mana, talen’ny fanoratana eo anivon’ny Ultima Media. Notolorana ny Commandeur i Sajo, Chevalier ny valo ambiny.
« Voahaja ny fahalalahana ho an’ny mpanao gazety tao anatin’ity fanavaozana ity », hoy ny minisitry ny Serasera sy ny kolontsaina, Ogascar Fenosoa. Nambarany hatrany fa ankasitrahana avokoa ny mpanao gazety rehetra tsy ankanavaka, nahavita be teo amin’ny tontolon’ny asa. «Natao ambony noho ny fahasamihafana rehetra ny maha iray tsy mizarazara ny mpanao gazety», hoy ihany izy.
Marihina fa natomboka tamin’ny fanaterana voninkazo tetsy amin’ny tsangam-baton’ny OJM ny ivon’ny fanamarihana, omaly maraina.
Mino
French