Ny faritra Vakinankaratra indray no nanatanteraka ny Fikaonandoham-paritra momba ny tetibola, (CBR), ny talata 1 septambra teo, tany Antsirabe. Fotoana nihainoana mivantana ireo filana sy ny laharam-pahamehana ho an’ny fampandrosoana eny ifotony. Tanjona ny hampifanaraka ny tetikasa sy ny loharanom-bola misy amin’izay tena ilain’ny mponina, mba hitondra vokatra azo tsapain-tanana ho an’ny vahoaka. Hatao manerana ny Nosy ity fikaonandoha ity.
Hatao ny 8-11 oktobra 2026 ho avy izao ny fifaninanana mandroso tetikasa, hikarohana vahaolana hiatrehana ny fiovan’ny toetr’andro amin’ny sehatry ny lohamenaka (Climathon). Voakasik’izany ny
faritra Matsiatra Ambony. Hetsika karakarain’ny Miaraka, tafiditra ao anatin’ny tetikasa Arche, eo ambany fiahian’ny minisiteran’ny Tontolo iainana sy ny fampandrosoana maharitra (Medd). Maimaimpoana ny fandraisana anjara.
Vonona handray anjara amin’ny fanamboaran-dalana eto amintsika i Inde. Efa nisy ny fidinana ifotony nataon’ny orinasa indianina, MEIL, nijery ny lalam-pirenena RN1Bis, (Tsiroanomandidy-Maintirano), ny mankany Bemolanga ary ny RN13 manontolo (Ihosy-Ambovombe). Hanohana sy hanamora ny fahatongavan’ireo mpamatsy vola indianina ny fitondram-panjakana malagasy.
French