Faharesena indroa no azon’ny Akio Madagasikara, teo amin’ny andiany faha-33 amin’ny fiadiana ny ho tompondakan’i Afrika (Can 2026), taranja handball sokajy “junior” lehilahy. Fihaonana tanterahina any Abidjan Côte d’Ivoire. Teo amin’ny andro voalohany natao ny sabotsy lasa teo, ho an’ny sokajy “B” lavon’i Angola tamin’ny isa 49 no ho 17 ny Akio Madagasikara. Manantombo eo amin’ny haben’ ny vatana ny angole sady matanjaka. Sahirana ny Malagasy mpilalao, tamin’ny halavan’ireo mpifanandrina taminy. Teo am-pialantsasatra dia efa nitarika tamin’ny isa 25 no ho 8 i Angola. Tsy nahatosika intsony ny Akio, teo amin’ny fizaram-potoana faharoa.
Omaly, mbola nomontsanin’i Algerie, tamin’ny isa mazava, 46 no ho 15 indray ny Akio Madagasikara. Tsy niady mihitsy ny fihaonana satria nanjakan’ny algerianina ny 60 mn nilalaovana. Teo amin’ny fizaram-potoana voalohany dia efa nitarika 22 no ho 8 i Algerie. Hita fa mpilalao ampy fihaonana sy manana traikefa ny alzerianina. Hiatrika an’i Nigeria indray ny Akio, eo
amin’ny lalao fahatelo ho an’ ity vondrona “B” ity.
Tompondaka
French