Taorian’ny fotoana lava niandrasana ny fifaninanana, nanambara ny tomponandraikitry ny “Miss Madagascar 2023” fa ho fantatra amin’ity anio ity ny anaran’ny mpandray anjara rehetra amin’ny fifaninanana. Ny “Miss Madagascar 2023” no hahafantarana izay hisolo tena antsika amin’ny “Miss World”.
Hanomboka tsy ho ela, araka izany, ny fifaninanana “Miss Madagascar 2023”. Fotoana iray ahafahan’ny tovovavy malagasy maneho ny hatsaram-bika sy tarehy ary koa fahaizana sy fahalalana. Nanambara izy ireo fa noho ny fahataran’ny datin’ny “Miss Monde” andiany faha-71 no anton’izao fahatarana izao. “Iray volana aorian’ny “Miss Monde 2022” no hanaovana ny “Miss Madagascar 2023″, mba tsy hisian’ny mpanjakavavin’ny hatsarana roa am-perinasa”, hoy Rakotoniaina Christelle, filohan’ny CNMM.
Ny “Miss Monde” andiany faha-71, izay tanterahina ny volana mey 2023, any Emirates Arabe Unies. Rajoelina Antsaly no misolo tena ny Malagasy amin’izany fifaninanana izany.
Lin( Mpianatra asa)
French