Mitohy ny hetsika hametrahana ny fandriam-pahalemena ataon’ny zandarimariam-pirenena avy ao amin’ny vondron-tobim-paritra Imerina Centrale. Afakomaly, nanentana ireo mponina avy ao amin’ny kaominina Andranomisa, distrika Anjozorobe ny mpitandro filaminana. Voaresaka tamin’izay ny tagnamaron’ny fandriam-pahalemana. Hetsika natao hisorohana sy hanafoanana ireo trangana fakana an-keriny eny ambanivohitra. Nitarika ny dinika tamin’izany ny kapiteny komandin’ny Vondron-tobim-paritra Imerina centrale. Voaresaka teo anoloan’ny Lapan’ny tanàna ny fanampiana isa ireo zandary any an-toerana, hanamafy ny fisafoana. Ao koa ireo fiambenan-kizo na ireo toerana mety ieren’ny jiolahy. Voadinika tao koa ny fiarovana isan-tanàna ary ny fanaraha-maso ny fivezivezen’ny mponina sy ireo vahiny eo an-tanàna.
Nilaza ny zandary fa ilaina ny hampitana vaovao marina sy ara-potoana mba hitandroana ny fandriam-pahalemana. Ilaina, araka izany, ny fifanampiana sy fiaraha-miasa matotra eo amin’ny zandary sy ny sivily hamongorana ireo tambazotra mpiray tsikombakomba amin’ny dahalo.
Henintsoa H.
French