Tafiditra ao anatin’ny andiany faha-137 ny «Concert classique de midi», karakarain’ny Madagascar Mozarteum sy ireo mpiara-miasa aminy. Hiavaka ny amin’ny talata 7 marsa izao satria ireo tanora nandrombaka ny laharana tsara indrindra tamina fifaninanana fahaiza-mitendry piano no hiaka-tsehatra manomboka amin’ny 1 ora tolakandro tsy diso, etsy amin’ny Institut français de Madagascar(IFM), Analakely.
I Manohisoa Rasamoelina sy i Nathanael Enoc Andrianiaina ary i Mbolamamy Sergio Randriamihoatra no hamelona indray ny sanganasan’i Johann Sebastian Bach, Ludwig Van Beethoven, Fréderic Chopin, Sergueï Prokofiev.
Anisan’ny tombony lehibe nananan’ny tontolon’ny mozika klasika maneran-tany ny fahaizan’ireo mpamorona ireo ny solfezy. Voarakitra an-tsoratra avokoa ny sanganasan-dry zareo. Tsy tazana loatra teo amin’ny mozika malagasy ny endrika tahaka izany, hany ka maro ny hira malagasy no niovaova be vao tonga amin’izao endriny ankehitriny izao.
HaRy Razafindrakoto
French