Isaky ny alahady faha-3 ao anatin’ny volana, manatanteraka ilay hetsika momba ny jazz ao amin’ny Cercle Germano-Malagasy, Tohatohabaton’ Antaninarenina ry zareo ao amin’ny Jazz Club CGM/GZ. Ho an’ity volana marsa ity, nisafidy ny Fiangonana FJKM Ambohipotsy ry zareo hanatontosana ny « Jazz Fiderana ». Hira fiderana sy hiram-pivavahana, hanana « endrika » somary jazz kokoa no hatolotry ny Jazz Club CGM/GZ, ho an’ny rehetra ho tonga eny an-toerana ny 19 marsa tolakandro izao.
Raha tsiahivina, anisan’ireo mamolavola sy itsimohan’ny talenta maro amin’ny fihirana sy fitendrena jazz ny Jazz Club etsy amin’ny Cercle Germano-Malagasy. Manome toerana lehibe ho an’ny fifanakalozana rahateo ny mpitantana azy ity.
HaRy Razafindrakoto
French