«Rahoviana izy io vao ho tonga sy hihanaka eto Madagasikara ?» Mety efa misy ihany fa any anivon’ny fianakaviana vitsivitsy ! «Silent Party», na ilay fety fandihizana atao anaty efitrano na ankalamanjana, saingy tsy mitabataba be tahaka ny faheno mahazatra ny zavamaneno. Omena «casque» tsirairay ny olona rehetra manatrika ny fety. Mitovy avokoa ny hira heno ao anatiny satria miainga avy eny amin’ilay mpampandihy (DJ) avokoa ny feo rehetra.
Anisan’ny tombony lehibe ho an’ny manodidina ny fanaovana ny «Silent party» satria tsy hisy intsony ny tabataba ateraky ny feon-javamaneno mafy. Fa ho an’ny mpikarakara indray, arakaraka ny hamaroan’ny mpanatrika ny hamaroan’ny «casque» zaraina. Fandaniana izay tsy maintsy halaina amin’ny saram-pidirana.
Ny taona 2002 no nipoitra tany Pays-Bas ny «Silent Disco». Nihanaka tany Eorôpa izany avy eo… Ankehitriny, mangetaheta azy ity ny tanora malagasy. Raha ny fantatra anefa, somary atahorana eo amin’ny fiasan’ny sofina sy ny atidoha ny fampiasana «casque» tahaka itony matetitetika.
HaRy Razafindrakoto
French