Nivoaka omaly ny didim-pitsarana an’ilay lehilahy nikasi-tanana sady nanondraka rano mangotraka ny vadiny tetsy Ambohimiandra, ny volana feboary teo.
Sazy mihatra herintaona an-tranomaizina. Nivoaka omaly ny didim-pitsarana ho an’ilay lehilahy nanondraka rano mangotraka sady nikasi-tanana ny vadiny, nitaiza kely. Raha tsiahivina, may ny hodi-tava hatramin’ny faritry ny kibony, io no vokatry ny herisetra nataon’ny vadiny an’i Sendraniaina, ny zoma 3 febroary lasa teo. Renim-pianakaviana mipetraka ao Ambohimiandra. Tsy an’asa ralehilahy vadiny. Tojo tsy fahasalamana ramatoa, kanefa mbola mitaiza kely, zaza vao herintaona. “Tsy nisy sakafo hohanina tao amin’izy ireo ka nangataka hody amin’ny ray aman-dreniny aloha i Sendra, izay mampinono”, hoy i Tsiory, anadahin’ilay lasibatra. Tsy nanaiky izany anefa rangahy vadiny ka raikitra ny ady tao an-tokantrano. “Efa matetika tsy an’ asa io vadiny io, ka nikiry hody ihany i Sendra”, araka ny fanamafisan’ny anadahiny. Nikasi-tanana an’ity vadiny avy hatrany ralehilahy. Nobatainy ny vilany nisy rano mangotraka, natondrany tamin’i Sendraniaina, renin-janany. Nokendaina saika nalany aina ity farany fa navotan’ny manodidina.
Tsiferana R.
French