Tratran’ny polisy teny Ambolotara Itaosy, ny sabotsy teo, ny lehilahy iray voarohirohy ho mpanao trafikana zava-mahadomelina. Mamboly sady mivarotra izy. Nanao hetsika manokana ny polisy avy ao amin’ny kaomisarian’Itaosy noho ny firongatry ny zava-mahadomelina eny an-toerana. Nisy paikady nataon’ny polisy tamin’ny alalan’ireo nanao fanamiana sivily.
Lehilahy iray no voasambotra tao an-tranony teo am-pivarotana rongony. Nahitana rongony 12 fonosana tao aminy nandritra ny fisavan’ ny polisy. Rehefa nojerena koa teo an-tokontany dia nahitana rongony maromaro maniry miafina ao anaty tanina mangahazo. Nongotan’ny polisy avokoa ireo rongony nambolena niaraka tamin’ny mangahazo. Nentina nanaovana fanadihadiana eny amin’ny biraon’ny polisy izy.
Jean Claude
French