Tsy namelan’ny fokonolona sy ny zandary, avotra soa aman-tsara ireo omby miisa 11 nalain’ny dahalo tao Amparihimanga, kaominina Mananasy, anatin’ny distrikan’i Soavinandriana, ny zoma 24 marsa teo. Nentin’ny dahalo nitrongo fitaovam-piadiana ireo omby ireo tamin’io. Nirifatra nandositra ny olon-dratsy niaraka tamin’ireo omby. Nanao fanarahan-dia avy hatrany ny fokonolona. Nanampy azy ireo ny mpitandro filaminana. Raikitra ny fifanjevoana rehefa tonga tao amin’ny kizo. Naratra nandritra izany ny roa tamin’ireo mpanara-dia.
Voafira antsy ny iray tamin’ireo dahalo saingy tafatsoaka. Votsotra teny an-tanan’ny dahalo kosa ny omby miisa 11 nokasainy hangalarina. Mitohy ny fanarahan-dia ataon’ny mpitandro filaminana ao an-toerana.
Tsiferana R.
French