Ho fampiroboroboana ny taranja handball, manomboka any ifotony ka hatrany amin’ ny ekipam-pirenena, hanome fiofanana ho an’ireo mpisehatra rehetra ao anatin’ity tontolom-panatanjahantena iray ity, ny Federasiona iraisam-pirenena (IHF). “Education weeks” ny anaran’izany ka fandrantoana fahalalana mandritra ny herinandro no atao. Hanomboka ny volana mey ho avy izao ka haharitra hatramin’ny oktobra izany.
Hisitraka ity fiofanana ity ireo mpanazatra, ny mpitsara ary ireo rehetra liana amin’ny handball, manerana ny vazantany efatra. Hozaraina dimy ity fiofanana “Education weeks” ity. Tsiahivina fa fiofanana ampitain-davitra izy ity fa tsy hatrehina akory.
Tompondaka
Ny fizotry ny fiofanana “Education weeks 2023”
I) 15 – 21 mai : Beach handball na handball lalaovina amin’ ny tora-pasika
II) 10 – 16 jona : Natokana ho an’ny mpitsara sy mpanazatra
III) 4 – 10 septambra : Handball ho an’ireo ankizy
IV) 18 – 24 septambra : Natokana ho an’ireo mpanazatra
misahana ny tanora
V) 2 – 5 oktobra : Fitantanana eo anivon’ny handball
6 – 8 oktobra : Handball lalaovina eny ambony seza mikorisa
French