Tsingerin-taona fahadimy: nanadio tanàna ny Hiaraka isika tao Toliara

Tafiditra amin’ny fanamarihana ny fahadimy taonan’ny antoko Hiaraka isi­ka ny hetsika fanaovana asa sosialy. Anisan’izany ny nanatanterahana ny “Tagnamaro – fafa faobe” sy ny fandokoa , nataon’izy ireo teo amin’ny lalana “Ambroise Vital”, miainga avy eo amin’ny zandarimaria Sanfily mankany amin’ny lalana mihazo ny Jira­ma. Nitarika izany ny filoha nasionalin’ny antoko Hia­raka isika, ny Jly Camille Vital. Efa nialohavan’ny hetsika fiarovana ny tontolo iainana tamin’ny alalan’ny fambolen-kazo iza­ny ka natao tany amin’ny kaominina Andrano­vory, Toliara II. Tonga ma­robe tamin’izany ireo mpikambana sy ny eo anivon’ny birao nasionaly. Maher­in’ny 20 000 ireo zanakazo novolena amin’ny velaran-tany 2ha.

Hitohy amin’ny kongresy nasionaly izany ka handinihana ny raharaha anatin’ny antoko. Eo koa anefa ny hanaovan’ny Hiaraka isika fanambarana ny hevitr’izy ireo manoloana ny raharaham-pirenena. Anisan’izany ny momba ny hiatrehana ny fifidianana filoham-pirenena sy ireo fifidianana isan’ambaratongany.

Synèse R.