Lavon’ny Real Madrid espaniola, tamin’ny isa 2 no ho 0 ny Chelsea anglisy, nandritra ny lalao ampahefa-
dalana mandroson’ny « Ligue des Champions 2023 » (LDC). Fihaonana natao tao amin’ny kianjan’ny Santiago Bernabeu. Araka izany, hita fa somary hanahirana an’ny Chelsea ny lalao miverina, izay atao any amin’izy ireo, ny talata 18 avrily ho avy izao. Tsy mbola afa-bela tamin’ity klioba espaniola ity ny anglisy, saingy manantena ny mpankafy azy ireo fa mety hisy ny “remontada” ataon’ity ekipa anglisy ity. Ankoatra izay, manana herijika hiakarana amin’ny lalao manasa-dalana ny Real Madrid sy ny Manchester City, klioba anglisy nanamontsana ny Bayern FC Alema, tamin’ ny isa 3 no ho 0, ny talata lasa teo. Marihina fa ny ekipan-dRy Karim Benzema, lohalaharan’ny Real Madrid no nandrombaka ny amboaran’ny LDC tamin’ny taona 2022 lasa teo, ary efa miandrandra ny haka ny faha-15 ny LDC, amin’ity andiany ity izy ireo.
Fitia (Mpianatra asa)
French