Taorian’ny dinika notanterahin’ireo minisitra telo misahana ny fandriampahalemana tamin’ny fiandohan’ny herinandro teo, nitohy tamin’ny fidinana teny an-kianja indray izany ny alakamisy alina teo. Fidinana mifanindry amin’ny toromarika voaray momba ny fanamafisana ny fandriampahalemana manerana ny Nosy. Araka izany, nanara-maso ireo fisafoana misandrahaka eran’Antananarivo ireto tomponandraikitra ireto. Nitarika izany fidinana izany ny minisitry ny Fiarovam-pirenena (MDN), ny Jly Rakotoarijaona Josoa sy ny minisitry ny Filaminam-bahoaka, ny Contrôleur général de police Randrinarison Fanomezantsoa ary ny Seg, ny Jly Serge Gellé niaraka tamin’ireo tomponandraikira eo anivon’ny Etamazaoron’ireo Tafika sy ny kaomandin’ny zandarimariam-pirenena. “Tsy mora ny fanatanterahana izany, indrindra ho an’ny vehivavy misehatra eo anivon’ny asa fampandriana fahalemana”, hoy ny MDN. Nohamafisiny fa tokony ho hentitra ny mpitandro filaminana ao anatin’izao ady atao amin’ny tsy fandriampalemana izao mba hahafahan’ny vahoaka miaina am-pilaminana.
Jean Claude
French