Ho tonga tsy ho ela eto an-tanindrazana ry LudySoa sy Nathan mandrafitra ny tarika Soa. Fantatra fa hanatanteraka fampisehoana etsy amin’ny CCEsca Antanimena izy mianadahy, ny 20 mey izao manomboka amin’ny 2 ora sy sasany tolakandro. Mahatratra 20 mahery ny isan’ny hira hoentin’izy ireo eny an-tsehatra amin’io fotoana io. Ao ireo hira noforoniny fa misy koa ny famerenana ireo hira malagasy manana ny lazany ary hira vitsivitsy amin’ny fiteny anglisy.
Marihina fa tarika Soa miaraka amin’ireo mpitendry zavamaneno (gitara, amponga maroanaka, gitara beso, piano, gitara tsotra) no ho hita eny an-tsehatra amin’io fotoana io. Ankoatra ireo, ravahina dihy hataon’ireo kalaza amin’izany ity seho ity. I Tsiry kosa no hanatanteraka ny fizarana voalohany.
HaRy Razafindrakoto
French