Tontosa nandritra ny alarobia 26 avrily 2023 ny atrikasa ho an’ny famoronana sy fanoratana, teny amin’ny Tranombokim-pirenena, nokarakarain’ny Academie Nationale des Arts et de la Culture, ANAC. Ralantoaritsimba Nirina no nampianatra sy nizara ny fahaiza-manaony, nandritra izany atrikasa izany. Mpanoratra sy mpisehatra eo amin’ny literatiora maro samihafa no tonga niatrika izany atrikasa izany. “Saro-pady ny asa soratra ka tsy vitan’ny fananana talenta fotsiny fa ilaina fahalalana sy fahaizana”, hoy ny mpampiofana.
Fomba fanoratana, ny endrika ivelany sy anatin’ny asa soratra no nifampizarana sy nitondran’ny mpitarika ny atrikasa tohana ho an’ny mpanatrika. Nisongadina indrindra tamin’izany ny fampiasana ny teny sy ny fomba fanoratana.
Tao anatin’ny hafaliana no nifampizaran’ireto vondron’olona misehatra eo amin’ny asa soratra sy ny literatiora ireto ny fahaiza-manaony sy ny traikefany avy eo amin’ny famoronana sy ny fanoratana. Nitondra azy ireo ho any amin’ny matihanina kokoa Ralantoaritsimba Nirina, mpanoratra sy mpampianatra ary manam-pahaizana eo amin’ny literatiora.
Lin (Mpianatra asa)
French