Miisa 32 ireo sekoly fanabeazana fototra na Epp mandray anjara amin’ny “Tournoi Fitaratra”, taranja baolina kitra lalaovin’olona fito. Hetsika notanterahina tao amin’ny kianja mitafon’i Mahamasina, omaly. Anisan’ireo mandray anjara amin’izany ny Epp Anosibe sy Antanimena. Haharitra hatramin’ny 24 may ny fifanintsanana. Ireo mpianatra ao amin’ ny kilasy fahefatra (T4) no nosafidiana hanao ny lalao.
Anisan’ireo nahafahana nahatontosa ny hetsika ny kaominina Antananarivo Renivohitra (CUA). Natao hisorohana ny herisetra mianjady amin’ny sekoly ny “tournoi Fitaratra”.
Ny fikambanana Imaso Ivoho no mikarakara ny hetsika. Isaky ny alarobia hariva no hanatanterahana ny lalao.
Fitia ( Mpianatra asa)
French