Tontosa ny alahady 7 mey 2023, teny amin’ny Kianjaben’ny Esca Antanimena, ny fampisehoana tokana, nataon’ ny tarika Lola teto Antananarivo. Fampisehoana niavaka no natolotr’ity tarika ity ho an’ny mpankafy azy ireo. Hira 45 no niarahana nifety, tao anatin’ny ora 4. Mbola tafapetraka ny maha tarika manana ny maha izy azy ny tarika Lola ary mbola tena ankafizin’ny olona. Afa-po ny rehetra ary manantena hatrany ny fihaonana maromaro amin’ ny mpanakanto ankafiziny.
Nifampitaona teny amin’ ny Kianjaben’ny Esca Antanimena ny tarika Lola, niara-paly tamin’ny mpankafy azy tao anatin’izay fotoana lavalava tsy nihaonana izay, indrindra ny teto Antananarivo. Nandeha hatrany ny gadona nahafantarana ny tarika, indrindra ny batrelaka, na dia teto Antananarivo aza no nanaovana ny fampisehoana. Notsongaina manokana ny hira tena nampalaza ny tarika sy tena nankafizin’ny besinimaro. Nifangaro tao na ny hiram-pitiavana na ny mihetsiketsika. Niaraka nankafy ny “Ray ô”, “Tsy manahy”, “Tsy azo atao ahoana” sy ny hiram-pitiavana nampiavaka ny tarika Lola, ny mpankafy azy. Teo koa ny “Manakara”, “I Gasikara” ary “Analakely”, hira izay nentina nampitety an’i Madagasikara ny mpankafy azy. “Miavaka hatrany, ary mijanona ho mpankafy ny tarika Lola hatrany izahay, na dia misy aza ny fivoarana sy ny mozika vao misandratra”, hoy i Nivo, mpankafy ny tarika Lola.
Nalai-nisaraka tanteraka ny rehetra teny am-pamaranana ny fampisehoana, izay nahitana sokajin-taona maro tokoa.
Lin (Mpianatra asa)
French