Efa mpivaro-drongony mampitaraina ny manodidina, voasambotry ny mpitandro filaminana teo amin’ny fihantsonan’ny taksibrosy, Sabotsy Namehana, i Papelika, omaly. Ataony anaty fonosana am-polony ny rongony amidiny. Jifain’ireo mpidoroka amin’ny sarany 500 Ar hatramin’ny 5 000 Ar izany. Naharay fitarainana tamin’ny olona manodidina tsara sitra-po ny mpitandro filaminana. Nanao vela-pandrika, tra-tehaka teo am- panatontosana io fivarotany rongony io i Papelika. Natao ny fisavana. Tratra ny rongony 56 fonosana. Niaiky heloka io mpivarotra zava-mahadomelina io. Nentina natao fanadihadiana izy ka hatolotra ny fampanoavana aorian’izay.
Jean Claude