Fampidramam-bola mitentina 150.000Ar avy amin’ny BNI. Ity ny loka natolotra an’ireo tanora mpandraharaha miisa roa nahazo ny fifaninanana “Trophée du jeune entrepreneur” (TJE). Mandraharaha eo amin’ny sehatra nomerika, Andriambololona Ranto. Nahazo fampindramam-bola 100 tapitrisa Ar avy amin’ny BNI izy, hoentiny hanohanany ny tetikasany. Lelavola 50 tapitrisa Ar kosa ny loka ho an-dRarivo Ravoatra. Mpandraharaha eo amin’ny sehatry ny tantely. Araka izany, samy hisitraka fampindramam-bola averina tsy misy zanabola avy amin’ny BNI ireto mpandraharaha ireto entina hampiroboroboana ny tetikasany. “Hanampy betsaka anay amin’ny fanatsarana ny sehatrasa ataonay ity lelavola ity”, hoy i Ranto. “Entinay hampahafantatra ny vokatra tantely eto Madagasikara sy any ivelany kosa ilay lelavola 50 tapitrisa Ar azonay. Tsy vitan’izay ihany fa hoentinay hanondranana ireo vokatra 55t mankany ivelany koa io vola io”, hoy kosa Ravoatra. Ankotra izay, mahazo fiofanana ao amin’ny NextA sy fanomezana hafa avy amin’ny Telma ihany koa ireo tanora mpandraharaha mendrika tamin’ny fifaninanana rehetra.
Henintsoa Hani.
French