Tontosa tamin’ny fomba ofisialy, ny sabotsy 13 mey 2023, teny amin’ny Mining Business Ivato, ny famoahana amin’ny fomba ofisialy ny horonantsarimihetsika “Malok’ila Le Grand Retour». Hanomboka amin’izay, araka izany, ny fandefasana ity horonantsarimihetsika malaza ity manerana ny Nosy. «Teo amin’ny manodidina ny enim-bolana teo no nikaondoha nanao azy ny rehetra ary nahatratra 70 ny niara-nisalahy nanatontosa izany», hoy i Mamitina, talen’ny orinasa Scoop digital.
Tafaverina indray ny horonantsarimihetsika «Malok’ ila», taorian’ny fotoana lavalava tsy nahitana azy. Tantara foronina, niainga avy amin’ny zava-misy iainana andavanandro no tena navoitra tao anatin’ny tantara. Misy fotsiny ny fanatsarana sy fanovana kely, noho ny zava-misy sahala amin’ny tsy maha eo ny mpilalao sasany. «Miezaka ny mitady zavatra tsara, ary miezaka manatsara hatrany ny trano mpamokatra», hoy ny talen’ny orinasa mpamokatra. Fanombohana fotsiny ihany ity fa mbola hitohy ny ezaka ary hiverina hamokatra amin’ izay ny trano famokarana.
Lin (Mpianatra asa)
French